CompilerMalyalam

പ്രിയപ്പെട്ട ജൂഡ് ആന്തണി ജോസഫ് താങ്കൾക്ക് കൈയ്യടികൾ.  ലോക്ക്ഡൗൺ കാലത്ത് മനസ്സിൽ കഥയുണ്ടോ എന്ന് ചോദിച്ചു ജൂഡ് ഫെയ്സ്ബുക്കിൽ പോസ്റ്റ് ഇട്ടിരുന്നു, അതിന് ആയിരത്തിലധികം മറുപടികൾ ലഭിച്ചിരുന്നു. അതിൽ തിരഞ്ഞെടുത്തു മാറ്റി വച്ച കഥാകൃത്തുക്കളിൽ ഒരാളായ ഡോ : അക്ഷയ് ഹരീഷിന്റെ  കഥയാണ് SARA'S . എന്ന സിനിമ ആയത്. കഥാകൃത്തും സംവിധായകനും അഭിനന്ദനമർഹിക്കുന്നത് അവർ തിരഞ്ഞെടുത്ത ആ പ്രമേയത്തിനാണ്. സിനിമയിൽ പല പോരായ്മകൾ കാണുമെങ്കിലും, ഈ  വിഷയം പൊതുസമൂഹത്തിന്റെ മുന്നിലേയ്ക്ക് ആദ്യമായിയാണ് സിനിമ ആയി വരുന്നത് എന്ന് തോന്നുന്നു (മറ്റേതെങ്കിലും അറിയാമെങ്കിൽ ദയവായി കമന്റായി രേഖപ്പെടുത്തുക) Sara's Movie poster അമ്മയാകുക , പ്രസവിക്കുക എന്നത് സ്ത്രീയുടെ തീരുമാനമാണ് എന്നത് ഇന്നും അംഗീകാരിക്കാൻ മടിയുള്ള സമൂഹമാണ് നമ്മുടേത്. ഉദാഹരണത്തിന് കുറച്ചു നാളുകൾക്ക് മുമ്പ്  വനിത ശിശു വികസന വകുപ്പ് ( Women and child development department kerala) അവരുടെ ഔദ്യോഗിക ഫേസ്ബുക്ക് പേജിൽ ,  അമ്മ ആകണമോ എന്നുള്ളത് സ്ത്രീകളുടെ തീരുമാനമാണ്.. അതിനെ അംഗീകരിക്കാത്തവരോട് വേണ്ട വിട്ടു വീഴ്ച എന്നൊരു പോസ്റ്റ് ഇട്ടിര...

 വ്യത്യസ്തമായ ഒരു ത്രില്ലർ ശൈലി പരീക്ഷിക്കുന്ന മലയാള ചിത്രമാണ് Cold Case.  വളരെയധികം സാധ്യതകൾ ഉണ്ടായിരുന്നെങ്കിലും കഥയിലെയും, തിരക്കഥയിലെയും, എഡിറ്റിങ്ങിലെയും  പോരായ്മകൾ ഒരു ശരാശരി സിനിമാനുഭവത്തിലേയ്ക്ക് ചിത്രത്തെ തള്ളിവിടുന്നുണ്ട്.  സിനിമ തുടക്കത്തിലെ നല്കുന്ന പ്രതീക്ഷ പിന്നീട് കാത്തുസൂക്ഷിക്കാൻ കഴിയാതെ വന്നത് പ്രേക്ഷകരെ നിരാശരാക്കുന്നു .  സിനിമ ഒരേ സംഭവത്തെ തന്നെ, കേസ് അന്വേഷണത്തിലുടെയും,  അതേ പോലെ തന്നെ ഹോറർ, പാരാനോർമൽ സംഭവങ്ങളുടെ പശ്ചാത്തലത്തിലും സമീപിക്കുന്നു.  പൃഥ്വിരാജിന്റെ സത്യജിത്ത് എന്ന സ്പെഷ്യൽ പോലീസ് ഉദ്യോഗസ്ഥൻ, തെളിവുകളുടെ ബലത്തിൽ കേസ് അന്വേഷണം നടത്തുമ്പോൾ, അതിഥി ബാലന്റെ മേഥ എന്ന ടിവി പ്രോഗ്രാം അവതാരിക തന്റെ പുതിയ വാടക വീട്ടിൽ അനുഭവപെടുന്ന അസാധാരണ സംഭവങ്ങളുടെ ചുവട് പിടിച്ച് ഇതേ സംഭവത്തിലെയ്ക്ക് എത്തുന്നു. സിനിമ ആരംഭിക്കുന്നത് കായലിൽ നിന്ന് ഒരു ക്യാരിബാഗിൽ നിന്ന് ലഭിക്കുന്ന ഒരു തലയോട്ടിയിൽ നിന്നാണ്, ചില രാഷ്ട്രീയ സമ്മർദ്ദങ്ങളാൾ ഒരു സ്പെഷ്യൽ അന്വേഷണ സംഘത്തിന് കേസ് കൈമാറുന്നു. ഇതേസമയം മേദ തന്റെ കുട്ടിയുമൊത്ത് താമസിക്കാൻ ഒരു ഒരു വീട് അന്വ...

Twitter, Facebook തുടങ്ങിയ സോഷ്യൽ മീഡിയ ആപ്പുകൾ മേയ് 26 മുതൽ ഇന്ത്യയിൽ ബാൻ ചെയ്യുന്നു. !! എന്താണ് ഇതിന്റെ പിന്നിലെ സത്യാവസ്ഥ... 2021 ഫെബ്രുവരി 25 ആം തിയതി കേന്ദ്രസർക്കാർ പുറത്തിറങ്ങിയ ഭേദഗതി ചെയ്ത IT നിയമങ്ങൾ ( IT rules) 2021. പ്രകാരം മൂന്നു മാസമാണ് അതിലെ നിർശങ്ങൾ നടപ്പിലാക്കാൻ നൽകിയിരിക്കുന്ന സമയം.  ആ മൂന്ന് മാസം എന്ന കാലാവധി അവസാനിക്കുന്ന ദിവസമാണ് മെയ് 25. എന്നാൽ ഇതുവരെ ഫേസക്ക് ട്വിറ്റർ എന്നിവ പോളിസിയെ അംഗീകരിച്ച റിപ്പോർട്ട് സർക്കാരിന് കൊടുത്തിട്ടില്ല. അതിനാലാണ് ഇപ്പോൾ ഇത്തരമൊരു വാർത്ത പ്രചരിക്കുന്നത്. എന്നാൽ മൂന്ന് മസത്തെ കാലാവധിക്കുള്ളിൽ റിപ്പോർട്ട് സമർപ്പിച്ചില്ലെങ്കിൽ ഇവരെ നിരോധിക്കുമെന്ന് സർക്കാർ ഔദ്യോഗികമായി പറഞ്ഞിട്ടില്ല. സമയം നീട്ടി നൽകും എന്നാണ് പ്രതീക്ഷിക്കുന്നത് എന്നാണ് ഫെയ്സ്ബുക്കിന്റെ പ്രതികരണം. സ്വാഭാവികമായിത്തന്നെ സമയം നീട്ടി നൽകാനാണ് സാധ്യത, ഇത്രയധികം കോടി ആൾക്കാർ ഉപയോഗിക്കുന്ന പ്ലാറ്റ്ഫോമുകൾ ഒറ്റരാത്രികൊണ്ട് നിരോധിക്കുക എന്ന സാഹസം സർക്കാർ കാട്ടിയേക്കില്ല.  എന്താണ് പുതിയ പരിഷ്കാരങ്ങൾ? (What are the new IT rules) ഇന്ത്യയിലെ നിലവിലെ ഐടി ആക്റ്റ്/ നിയമങ്ങൾ പുതിയ ...

 ഒരു ഭരണാധികാരിക്ക് എങ്ങനെ വെറും ആറു മാസം കൊണ്ട് ഒരു ജനതയുടെ എല്ലാ സ്വാഭാവിക ആവാസ്ഥ വ്യവസ്ഥിതിയെയും, അവരുടെ ജീവിതരീതികളെയും തകിടം മറിക്കാം എന്നതിന് ഉത്തമ ഉദാഹരണമാണ് ഇന്ന് ലക്ഷദ്വീപ്. ആ ഭരണാധികാരി ലക്ഷദ്വീപ് അഡ്മിനിസ്ട്രേറ്റർ പ്രഫുൽ കോദാർ പട്ടേലും. ലക്ഷദ്വീപ് അഡ്മിനിസ്ട്രേറ്റർ ആയിരുന്ന ദിനേശ്വർ ശർമയുടെ നിര്യാണത്തെത്തുടർന്നാണ് 2020 ഡിസംബർ 5 ന്, ദാദ്ര,നാഗർഗവേലി, &ദാമൻ ദിയു അഡ്മിനിസ്ട്രേറ്റർ ആയിരുന്ന പട്ടേലിനെ ലക്ഷദ്വീപ് അഡ്മിനിസ്ട്രേറ്റർ ആയി കൂടി നിയമിക്കുന്നത്. അതിന് ശേഷം തുടങ്ങിയതാണ് ലക്ഷദ്വീപുകാരുടെ ദുരിതകാലം. ആരാണ് പ്രഫുൽ പട്ടേൽ ? (Who is praful K Patel?) ഒരു കേന്ദ്രഭരണ പ്രദേശത്തിന്റെ അഡ്മിനിസ്ട്രേറ്റർ എന്ന് കണ്ടപ്പോൾ IAS കാരൻ ആയിരിക്കും എന്ന് വിചാരിച്ചു പോയവർക്ക് തെറ്റി. അയാൾ BJP നേതാവായിരുന്നു, മുൻ MLA , മുൻ മന്ത്രി സർവ്വോപരി നരേന്ദ്രമോഡിയുടെ വിശ്വസ്തൻ. 2007 -ൽ MLA ആയ പട്ടേൽ 2010-ൽ മന്ത്രിയുമായി. അന്ന് അമിത് ഷാ അറസ്റ്റിലായപ്പോൾ, ഷാ യുടടെ കൈവശമിരുന്ന പ്രധാന വകുപ്പുകൾ പട്ടേലിനാണ് മോദി കൈമാറിയത്. 2012-ൽ മത്സരിച്ചെങ്കിലും തോറ്റു.  പിന്നീട് 2016-ൽദാമൻ & ദ...

കള! എന്തൊരു പേരാണ്! ഈ സിനിമയും മായി എന്ത് ബന്ധം.?  ഈ സിനിമയിൽ എന്തിരിക്കുന്നു, കുറെ കാടൻസംഘട്ടനങ്ങളല്ലാതെ?? കഥയൊന്നും ഇല്ലല്ലോ എന്ന തോന്നൽ ഉണ്ടായ ആരെങ്കിലും ഉണ്ടെങ്കിൽ ഇത് വായിച്ചു കഴിയുമ്പോൾ അവർക്ക് ആലോചിക്കാൻ ചില പോയിന്റുകൾ സമ്മാനിക്കുകയാണ് ഇതിൻറെ ഈ കുറിപ്പിന്റെ ലക്ഷ്യം. സിനിമ തുടങ്ങുന്നത് ഓസ്കാർ വൈൽഡീന്റെ ഒരു വാചകം എഴുതി കാണിച്ചു കൊണ്ടാണ്. “Selfishness is not living as one wishes to live, it is asking others to live as one wishes to live” സ്വാർത്ഥത എന്നത് അവൻ തനിക്കിഷ്ടമുള്ള രീതിയിൽ ജീവിക്കുന്നതല്ല മറിച്ച് തനിക്കിഷ്ടമുള്ള രീതിയിൽ മറ്റുള്ളവരോട് ജീവിക്കാൻ ആവശ്യപ്പെടുന്നതാണ്. കളയെന്ന സിനിമയും  നമുക്ക് കാണിച്ചുതരുന്നത് , ഇതേ പോലെ മറ്റുള്ളവർ തൻറെ ഇഷ്ടത്തിന് ജീവിക്കണം എന്ന് കരുതുന്നുന്നവരും, മറ്റുള്ളവർ തങ്ങളെക്കാൾ താഴെയാണെന്നുള്ള  ബോധം പേറുന്നവരുടെയും അവരുടെ ആ ബോധത്തിന് എതിരായ പ്രതികരണത്തിന്റെയും കഥയാണ്. സിനിമയിൽ ഷാജിയുടെയും പേരില്ലാത്ത അടിച്ചമർത്ത പെട്ട ജനവിഭാഗത്തിലെ ഒരുവന്റെ ഷാജിയോടുള്ള പകയുടെയും, വെറുപ്പിന്റെയും, പ്രതികാരവും, രക്തം ചിന്തുന്ന സംഘട്ടനങ്ങളുമാണ് സിംഹഭാഗവും. ഷ...

മിനാരി( MINARI ) ഇത്തവണത്തെ ഓസ്കാറിൽ നിരവധി നോമിനേഷനുകൾ നേടിയ, യുഹ് യുങ്ങ് യോൺ Yuh-Junggg Youn സഹനടിക്കുള്ള ഓസ്കാർ നേടി കൊടുത്ത കോറിയൻ ചിത്രം. ഈ പുരസ്കാരം നേടുന്ന രണ്ടാമത്തെ ഏഷ്യൻ വംശജരും ആദ്യ കൊറിയൻ വംശജയും ആണ്. ഇത് ആദ്യമായാണ് കൊറിയയിൽ നിന്നുള്ള ഒരു താരത്തിന് അഭിനയത്തിനുള്ള ഓസ്കാർ അവാർഡ് ലഭിക്കുന്നത്.  ചിത്രം ഇപ്പോൾ ആമസോൺ പ്രൈംമിൽ ലഭ്യമാണ് Click here to watch it on prime കഴിഞ്ഞവർഷത്തെ അക്കാദമി  അവാർഡ് താരമായ പാരസൈറ്റിന് പുറമേ ഇത്തവണ അവാർഡ് നേടിയ മിനാരിയും കൊറിയൻ ചിത്രങ്ങളുടെ അന്താരാഷ്ട്ര അംഗീകാരത്തിന്റെ സൂചനയാണ് . ഭാഷയുടെ അതിർവരമ്പുകൾ ഭേദിച്ച് മുന്നേറുകയാണ് കൊറിയൻ സിനിമകൾ. സംവിധായകൻ ലീ ഐസക്ക് ചങ്ങ് (Lee Isaac Chung)-ന്റെ , ആത്മകഥയശമാണ് ചിത്രം.  ദക്ഷിണകൊറിയയിൽ നിന്ന് അമേരിക്കയിലേക്ക് കുടിയേറിപ്പാർത്ത ഒരു കൊറിയൻ കുടുംബത്തിന്റെ കഥയാണ് ചിത്രം പറയുന്നത്. കഥ നടക്കുന്നത് 1980കളിലാണ് , അച്ഛനും അമ്മയും രണ്ട് കുട്ടികളുമുള്ള ഒരു ചെറിയ കോറിയൻ കുടുംബമാണ് അവരുടേത്.  അമേരിക്കൻ നഗരങ്ങളിലേക്ക് ആദ്യകാലത്ത് കുടിയേറിയ കുടുംബം വർഷങ്ങൾ അമേരിക്കൻ നഗരങ്ങളിൽ ജോലി ചെയ്തതിനു ശേഷം...

ഇസ്രായേൽ പാലസ്തീൻ സംഘർഷങ്ങളുടെ വാർത്തയും ചർച്ചകളുമാണല്ലോ ഇന്നത്തെ പ്രധാന വേഷത്തിൽ വിഷയം. എന്താണ് ഇസ്രായേൽ പാലസ്തീൻ സംഘർഷങ്ങളെന്നും? എന്താണ് ഇപ്പോഴുണ്ടായ ആക്രമണങ്ങളെന്നും? അതിന്റെ പിന്നിലെ കാരണങ്ങൾ എന്നും ഏറ്റവും ചുരുക്കത്തിലും, ചരിത്രത്തിന്റെ കാഠിന്യം ഇല്ലാതെയും... ലളിതമായ ഭാഷയിലൂടെ നിങ്ങൾക്ക്. ഒരു ഒരു സംഗ്രഹ രൂപം , മലയാളത്തിൽ നല്കാനാണ് ശ്രമിക്കുന്നത്. നമ്മുക്ക് പുതിയ സംഭവവികാസങ്ങളിൽ നിന്ന് പിറകിലേക്ക് പോകാം. ഇപ്പോഴത്തെ ആക്രമണങ്ങൾ തുടങ്ങുന്നത് കുറച്ചു ദിവസങ്ങൾക്ക് മുമ്പാണ്. അതായത് കഴിഞ്ഞ വെള്ളിയാഴ്ച, അത് റമദാൻ മാസത്തിലെ അവസാനത്തെ വെള്ളിയാഴ്ച ആയിരുന്നു. കിഴക്കൻ ജറുസലേമിലെ ആൽ-അക്സ പള്ളിയിൽ (മുസ്ലിംകളുടെ മൂന്നാത്തെ പുണ്യസ്ഥലമായി കാണുന്ന പള്ളിയാണത്) വെള്ളിയാഴ്ച നമസ്കാരത്തിന് ശേഷം പ്രതിഷേധ സമ്മേളനം നടത്തിയവരെ ഇസ്രായേൽ പോലീസ് ആക്രമണം അഴിച്ചു വിട്ടു. റബർ ബുള്ളറ്റ് കൊണ്ട് ആണെങ്കിലും മൂന്നൂറിലധികം പേർക്ക് പരിക്കേൽക്കുകയും ചെയ്തിരുന്നു. പ്രതിഷേധ സമ്മേളനം നടക്കാൻ കാരണം എന്നത് കിഴക്കൻ ജറുസലേമിലെ ഒരു ഗ്രാമത്തിലെ മുസ്‌ലിം കുടുംബങ്ങളെ, ഇസ്രായേൽ  കുടിയൊഴിപ്പിച്ച...